ឯកឧត្តម សុខ ពុទ្ធិវុធ ដឹកនាំកិច្ចប្រជុំពិនិត្យវឌ្ឍនភាពនៃការអនុវត្តគម្រោងស្តីពីការបង្កើតនិងប្រតិបត្តិការមជ្ឈមណ្ឌលសប្រតិបត្តិការរដ្ឋាភិបាលឌីជីថលឆ្នាំ២០២១ និងទិសដៅអនុវត្តការងារបន្តឆ្នាំ២០២២

—-

រាជធានីភ្នំពេញ៖ រសៀលថ្ងៃទី២៤ ខែមករា ឆ្នាំ២០២២ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញដឹកនាំកិច្ចប្រជុំពិនិត្យវឌ្ឍនភាពនៃការអនុវត្តគម្រោងស្តីពីការបង្កើតនិងប្រតិបត្តិការមជ្ឈមណ្ឌលសប្រតិបត្តិការរដ្ឋាភិបាលឌីជីថលឆ្នាំ២០២១ និងទិសដៅអនុវត្តការងារបន្តឆ្នាំ២០២២ ដោយមានការចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង មន្ត្រីបច្ចេកទេសនៃក្រសួងប្រៃសណីយ៍និងទូរគមនាគមន៍ និងអ្នកជំនាញការនៃសាធារណរដ្ឋកូរ៉េ តាមរយៈប្រព័ន្ធវីដេអូសន្និសីទ (Zoom)។